İranın infeksion xəstəliklərlə mübarizə komitəsinin üzvi Məsud Mərdani İranda "donuz qripi"ndən ölənlərin son sayını açıqlayıb."Ötən həftə A/H1N1 virusu 40 İran vətəndaşının həyatına son qoyub. Bununla da İranda ölüm faktlarının sayı 140-a çatıb", - Mərdani deyib.
Mərdani əlavə edib ki, ötən həftə virusa yoluxanların sayı 3128 nəfərdən 3672 nəfərə qədər artıb.
İranda "donuz qripi"nə ilk yoluxma faktı iyunun 14-də qeydə alınıb. Virus Tehrana gələn İran əsilli 16 yaşlı amerikalı yeniyetmədə aşkar edilib.