Azərbaycan, Bakı, 15 iyun /Trend, müxbir M.Əliyev/
Azərbaycanın bəzi ərazilərində havanın temperaturu 39 dərəcəyə qalxacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən çərşənbə axşamı Trend-ə bildiriblər ki, iyunun 16-da Azərbaycan ərazisində hava gün ərzində yağmursuz keçəcək.
Bakıda havanın temperaturu gündüz 35-37, gecə 22-24, Naxçıvanda gündüz 37-39, gecə 23-25, Aran bölgəsində gündüz 35-37, gecə 22-24, Dağlıq zonada gündüz 28-30, gecə 17-19 dərəcə təşkil edəcək.