Azərbaycan, Bakı, 9 mart /Trend/
Ermənistanın müdafiə naziri Seyran Ohanyanın əmri ilə payız hərbi çağırışından sağlamlığı ilə əlaqədar azad olunanların hamısı təkrar tibbi müayinədən keçməlidirlər. Trend-in məlumatına görə, bu barədə ölkənin Müdafiə Nazirliyinə yaxın mənbələrə istinadən Ermənistanın "Jamanak" qəzeti yazır.
"Ohanyan bu qərarı çağırışçıların valideynlərinin tibbi komissiyanın pozuntularla işləməsi barədə bildirdiklərindən sonra qəbul edib. Bizdə olan məlumatlara görə, təkrar yoxlamalar nəticəsində Yerevan rayonlarında artıq çoxsaylı pozuntular aşkar edilib", - qəzet yazır.