Azərbaycan, Bakı, 14 noyabr /Trend, müxbir H.Vəliyev/
Poçt rabitəsi operatoru "Azərpoct" MMC Azərbaycanın bir sıra müəssislərində abunəçilərdən ödəniş haqlarının yığılmasına görə göstərilən xidmətləri bahalaşdırıb. Bu barədə bazar ertəsi MMC-nin məlumatında deyilir.
"Azərpoct"la "Ultel" rabitə operatoru arasında bağlanan yeni müqaviləyə görə, abunəçilərdən ödəniş haqlarının yığlmasına görə göstərilən xidmətlərin dəyəri 0,75 faizdən 1,25 faizədək artırılıb.
Həmçinin "Azərsu"" SC ilə bağlanan yeni müqaviləyə görə, abunəçilərdən sudan istifadəyə görə yığılan ödəniş haqları üzrə haqlar da artırılıb. Sudan istifadə üçün "Azərpoct" MMC şəbəkəsində abunə ödənişlərinin yığılması üzrə haqlar 1,5 faizdən iki faizdək artırılıb.
Habelə poçt operatoru tərəfindən elektrik enerjisi və qazdan istifadəyə görə abunə ödənişlərinin yığımı üzrə göstərilən xidmət tariflərinin artırılması üzrə iş gedir.
Poçt operatorunun şəbəkəsində kommunal xidmətlərin ödənişi Azərbaycan Mərkəzi Bankının klirinq sistemi ilə sıx birləşdirilmiş APUS sistemi vasitəsilə həyata keçirilir. Sistem "Azərpoct" poçt operatoru və bütün bank şöbələrində kommunal, telefon və digər borcların ödənilməsinə imkan verir.
APUS sisteminin əsas vəzifəsi kommunal xidmət istehlakçılarının onların borcları barədə məlumatlandırılması, eləcə də ödənişlərin müxtəlif və asan ödəniş mexanizmlərindən istifadə etməklə həyata keçirilməsidir.
