Azərbaycan, Bakı, 27 mart /Trend, müxbir İ.İzzət/
Binəqədi rayonu Biləcəri qəsəbəsindəki Xurşidbanu Natəvan küçəsində yolun genişləndirilməsi işləri aparılır.
"Azəryolservis" ASC-nin mətbuat xidmətinin rəhbəri Pünhan Mürsəliyev çərşənbə günü Trend-ə bildirib ki, həmin küçənin uzunluğu 1750, eni isə 7 metrdir. Genişləndirmə işləri başa çatandan sonra yolun eni 14-16 metr arasında dəyişəcək.
Onun sözlərinə görə, artıq genişləndirmə sahəsində torpaq yataqi yenidən qurulub, yolun əsası hazırlanıb. Hazırda asfalt-beton bərkitmə işləri görülür.