Bakı. İlhamə İsabalayeva - Trend:
Dünyada baş verən iqtisadi böhran vəziyyətini nəzərə alaraq, bu il Azərbaycana gələn turistlərin sayında böyük artımın baş verəcəyini gözləmirik.
Trend-in məlumatına görə, bunu mədəniyyət və turizm naziri Əbülfəs Qarayev jurnalistlərə deyib.
Onun sözlərinə görə, bu il və növbəti il ərzində nazirliyin əsas məqsədi stabil rəqəmləri saxlamaqla, əsas fəaliyyət istiqamətini daxili turizmin inkişafına yönəltməkdir: "Qonşu ölkələrin iqtisadi vəziyyəti düzələndən sonra turistlərin sayında artımın baş verəcəyini gözləyəcəyik".