Gimnastımızın digər çıxışlarının nəticəsi əlavə olunub (ilk xəbər avqustun 20-si saat 22:42-də yayılıb)
Bakı. Trend:
Azərbaycan idmançısı Marina Durunda Rio-2016-da bədii gimnastika yarışlarının finalında sonuncu hərəkəti yerinə yetirib.
Trend-in məlumatına görə, lentlə hərəkətlər üzrə 4-cü tapşırığı yerinə yetirən təmsilçimiz hakimlərdən 17.541 xal alıb.
Beləliklə, Olimpiadada debüt edərək finala yüksələn gimnastımız çıxışını başa vurub.
X X X
23:47
Azərbaycanı Rio-2016-da bədii gimnastika yarışlarında təmsil edən Marina Durunda finalda üçüncü tapşırığı yerinə yetirib.
Trend-in məlumatına görə, idmançımız gürzlərlə hərəkətlərə görə 17.683 xal qazanıb.
X X X
23:12
Azərbaycanı Rio-2016-da bədii gimnastika yarışlarında təmsil edən Marina Durunda finalda ikinci tapşırığı yerinə yetirib.
Trend-in məlumatına görə, gimnastımız topla hərəkətlərə görə 17.541 xal qazanıb.
X X X
22:42
Azərbaycan idmançısı Marina Durunda Rio-2016 Yay Olimpiya Oyunlarında bədii gimnastika üzrə çoxnövçülük yarışlarında mübarizəyə qoşulub.
Trend-in məlumatına görə, təmsilçimiz ilk çıxışında halqa ilə hərəkətləri yerinə yetirib. M.Durunda bu hərəkətlərə görə hakimlərdən 16.950 xal alıb.
Ümumilikdə, gimnastımız gürz, lent və topla hərəkətləri də yerinə yetirəcək.