Bakı. Trend:
Azərbaycan boksçusu Lorenzo Sotomayor Rio-de-Janeyro Yay Olimpiya Oyunlarında finalda Özbəkistan təmsilçisi Fəzliddin Gaibnəzərova məğlub olaraq gümüş medal qazanıb.
Azərbaycan yığmasının hesabında on səkkiz medal var: 1 qızıl, 7 gümüş, 10 bürünc.
Qeyd edək ki, 5-21 avqust tarixlərində Braziliyanın Rio-de-Janeyro şəhərində XXXI Yay Olimpiya Oyunları keçirilib.
Azərbaycan oyunlarda 56 idmançı ilə 17 idman növündə təmsil olunub.