Bakıda Türkiyədə 15 iyul hadisələrinə həsr edilmiş fotosərgi açılıb (FOTO)

Bakı. Trend:

Bakıda 15 iyul tarixində Türkiyədə dövlət çevrilişinə cəhd hadisəsini əks etdirən fotolardan ibarət sərgi təşkil olunub.

Türkiyənin "Anadolu" agentliyinin Bakı ofisindən Trend-ə verilən məlumata görə, agentliyin fotoqraflarının çəkdiyi fotolardan ibarət “15 İyul - Milli iradənin yüksəlişi” adlı sərgidə 15 iyul gecəsi Türkiyədə yaşanan hadisələr, Türkiyə xalqının FETÖ üzvlərinə qarşı müqaviməti, bombalanan dövlət binaları və FETÖ-ya etiraz mitinqləri əks olunub.

Sərgiyə gələnlər "Anadolu" agentliyinin hazırladığı “Dəqiqə-dəqiqə FETÖ-nün çevriliş cəhdi” kitabını pulsuz əldə edə bilər.

Sərgi 13 sentyabr tarixinə qədər davam edəcək.