Bakı. Trend:
Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə noyabrın 21-də Moskva və bütün Rusiya Patriarxı Kirilin dəvəti ilə Rusiya Federasiyasının paytaxtı Moskva şəhərinə səfərə yola düşəcək.
Bu barədə Trend-ə QMİ-nin Mətbuat Xidmətindən məlumat verilib.
Səfər Patriarx Kirilin 70 illik yubiley tədbirlərində iştirak etmək məqsədilə həyata keçirilir. Noyabrın 23-dək davam edəcək səfər müddətində QMİ sədri A.Paşazadə Patriarx Kirillə təkbətək görüşəcək, habelə yubileyə həsr olunmuş genişmiqyaslı təntənəli qəbul və mərasimlərdə iştirak edəcək.