Bakı. İlhamə İsabalayeva - Trend:
Azərbaycanda 45 yaşdan sonra daha çox şəhərdə yaşayanlar uşaq dünyaya gətirirlər.
Trend-in məlumatına görə, 2005-ci ildə Azərbaycanda 216 qadın 45-49 yaşında ana olduğu halda, 2010-cu ildə bu rəqəm 202, 2015-ci ildə 133, 2017-ci ildə isə 94 olub.
Ölkədə 50 və daha yuxarı yaşda ana olanların sayı 2005-ci ildə 18, 2017-ci ildə 13 nəfər olub.
2005-ci ildə 45-49 yaşda ana olanların 109-u, 50 yaşdan sonra ana olanların 7-si, 2017-ci ildə isə 45-49 yaşda ana olanların 58-i, 50 yaşdan sonra ana olanların 10-u şəhər yerlərinin payına düşüb.
Ötən il 45-49 yaşlı analar tərəfindən doğulan uşaqların 48-i həmin qadınların birinci, 31-i ikinci, 5-i üçüncü, 6-sı 4-cü, 4-ü beşinci və daha sonrakı uşağı olub.