Bakı. İlhamə İsabalayeva - Trend:
Səhiyyə Nazirliyinin mütəxəssisləri tərəfindən səhiyyə sisteminin növbəti illərdə inkişaf istiqamətlərinə dair hazırlanmış təkliflər İcbari Tibbi Sığorta Agentliyinə göndərilib.
Nazirlikdən Trend-ə verilən məlumata görə, son 10 il ərzində bu sahədə çox əhəmiyyətli qanunvericilik bazası yaradılıb, dövlət proqramları qəbul edilib, tibb müəssisələrinin maddi-texniki bazasının gücləndirilməsi, yeni tibbi texnika və texnologiyaların tətbiqi, köklü kadr islahatları kimi geniş miqyaslı tədbirlər həyata keçirilib:
"Səhiyyə sahəsində mövcud inkişaf tendensiyaları Azərbaycanda səhiyyənin daha da gücləndirilməsi və qabaqcıl səhiyyə sistemlərindən birinə çevrilməsi zərurətini yaradır".