Bakı. Trend:
"ASAN xidmət"in Kambocada tətbiqi ilə bağlı işlər sürətləndirilir.
Bu barədə "ASAN xidmət" məlumat yayıb.
Bildirilib ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Kamboca Krallığının poçt və telekommunikasiyalar naziri ilə görüşüb.
Əsas məqsəd "ASAN xidmət"in Kambocada tətbiqi ilə bağlı
imzalanmış Anlaşma Memorandumunun icrası ilə bağlı görüləcək
işləri, fəaliyyət istiqamətlərini müzakirə etmək olub.
Xatırladaq ki, 2025-ci ilin dekabr ayında Azərbaycan
Respublikasının Prezidenti yanında Vətəndaşlara Xidmət və Sosial
İnnovasiyalar üzrə Dövlət Agentliyi ilə Kamboca Krallığının Poçt və
Telekommunikasiyalar Nazirliyi arasında dövlət xidmətlərinin
göstərilməsi sahəsində "ASAN xidmət" təcrübəsinin tətbiqini nəzərdə
tutan Anlaşma Memorandumu imzalanıb.
