...

Koşitse Texniki Universitetinin nümayəndələri AzMİU-da olublar (FOTO)

Cəmiyyət Materials 11 Mart 2019 18:08 (UTC +04:00)
Bu gün Slovakiyanın Koşitse Texniki Universitetindən gələn nümayəndə heyəti Azərbaycan Memarlıq və İnşaat Universitetinin (AzMİU) qonağı olub. Qonaqlar əvvəlcə Nəqliyyat fakültəsində olublar, fakültə rəhbərliyi ilə görüşüb, ikitərəfli əlaqələr, görüşlər, gələcək planlar ətrafında fikir mübadiləsi aparıblar.
Koşitse Texniki Universitetinin nümayəndələri AzMİU-da olublar (FOTO)

Bakı. Trend:

Bu gün Slovakiyanın Koşitse Texniki Universitetindən gələn nümayəndə heyəti Azərbaycan Memarlıq və İnşaat Universitetinin (AzMİU) qonağı olub. Qonaqlar əvvəlcə Nəqliyyat fakültəsində olublar, fakültə rəhbərliyi ilə görüşüb, ikitərəfli əlaqələr, görüşlər, gələcək planlar ətrafında fikir mübadiləsi aparıblar.

Universitetdən Trend-ə verilən məlumata görə, sonra qonaqları AzMİU-nun rektoru, professor Gülçöhrə Məmmədova qəbul edib. Görüşdə universitetin prorektorları, dekanlarla yanaşı, Slovakiyanın Prospol LTD şirkətinin nümayəndələri də iştirk edib.

Rektor Gülçöhrə Məmmədova qonaqları salamlayıb, universitetlər arasında əlaqələrin genişləndirilməsi üçün vacib addımları atmağa hazır olduğunu bildirib. Rektor qeyd edib ki, AzMİU-nun Nəqliyyat fakültəsi ilə sözügedən universitet arasında bağlanmış Memoranduma əsasən, universitetlərin müəllimləri fəal şəkildə əməkdaşlıq edirlər. Bu əməkdaşlığın inkişaf etdirilməsinin əhəmiyyətini vurğulayan rektor bu görüşün ikitərəfli əlaqələrin möhkəmləndirilməsinə, faydalı nəticələri olacağına ümidvar olduğunu bildirib. Sonra o, universitetin beynəlxalq əlaqələri, Avropa universitetləri ilə əməkdaşlıq, Avropa Birliyinin maliyyələşdirdiyi beynəlxalq layihələrdə iştirak, ikili diplom layihələri və s. barədə qonaqlara ətraflı məlumat verib.

Koşitse Texniki Universitetinin İnşaat fakültəsinin dekanı Piter Mesaros səmimi qəbul üçün rektora təşəkkürünü bildirib, universitetlərarası əməkdaşlığın yeni perspektivlərinin ortaya çıxarılması istiqamətində təkliflər səsləndirib. O bildirib ki, AzMİU-nun Nəqliyyat fakültəsi ilə bağlanmış Memorandum çərçivəsində əməkdaşlığın genişləndirilməsi hər iki tərəf üçün faydalı ola bilər. Qonaq təmsil etdiyi universitetdə memarlıq və inşaat fakültələrinin olduğunu, gələcək əməkdaşlıq üçün bu detalların nəzərə alınmasını təklif edib. Eyni zamanda cənab Mesaros müəllim-tələbə mübadiləsini genişləndirməyi, elmi istiqamətdə birgə konfransların, seminarların keçirilməsini məqsədəuyğun hesab edib.

Görüşün sonunda qonaqlar rektora xatirə hədiyyələri təqdim ediblər.

Məqalədə:
Xəbər lenti

Xəbər lenti