...

“Tövbə qapısı hər zaman açıqdır” – Ziyad Səmədzadənin vəkilindən kəskin etiraz (FOTO)

Cəmiyyət Materials 30 Yanvar 2020 11:28 (UTC +04:00)
Ziyad Səmədzadənin səhifəsində paylaşılan həmin məlumatın və fotonun seçkiyə, təbliğat-təşviqata yaxından-uzaqdan heç bir aidiyyəti yoxdur
“Tövbə qapısı hər zaman açıqdır” – Ziyad Səmədzadənin vəkilindən kəskin etiraz (FOTO)

Bakı. Trend:

Son günlər bəzi media orqanlarında, sosial şəbəkələrdə 23 saylı Nəsimi-Səbail Seçki Dairəsindən növbəti dəfə deputatlığa namizəd, akademik Ziyad Səmədzadə haqqında əsası olmayan və həqiqətə heç bir halda uyğun gəlməyən məlumat(lar) tirajlanır…

Heç bir əsası olmadan iddia edilir ki, Ziyad Səmədzadə seçki qanunvericiliyini guya pozub…

“Əsas” da o gətirilir ki, bəs Ziyad Səmədzadənin rəsmi “Facebook” səhifəsində paylaşılan məlumat və foto seçki qanunvericiliyinin pozulması deməkdir…

Hansı ki, Ziyad Səmədzadənin səhifəsində paylaşılan həmin məlumatın və fotonun seçkiyə, təbliğat-təşviqata yaxından-uzaqdan heç bir aidiyyəti yoxdur… Orada bu barədə heç cümlə belə yoxdur…

Həmin foto və iki cümləlik məlumat akademikin, sadəcə, Azərbaycan Dövlət İqtisad Universitetində bir qrup alimlə bir araya gəldiyi tədbirdən çəkilən fotodan və “Facebook” səhifəsində paylaşımından başqa bir şey deyil…

Qeyd edək ki, həmin tədbirdə də alimlərlə dövrün aktual iqtisadi məsələləri müzakirə mövzusu olub…

Əslində Ziyad Səmədzadənin təbliğat-təşviqat görüşü və ya görüşləri-təbdirləri üçün belə otaq və ya zal çox kiçikdir…

Onun üçün böyük zal(lar) lazımdır…

Çünki Ziyad Səmədzadə elə bir insan, elə bir alim, elə bir deputalığa namizəddir ki, kiçik zallar ona bəs etməz…

“Bulanıq suda balıq tutmaq” istəyənlər gərək bunun fərqinə varsınlar…

Hələ də gec geyil…

…Və TÖVBƏ qapısı HƏR ZAMAN açıqdır!

Afiq Quliyev,

Deputatlığa namizəd Ziyad Səmədzadənin vəkili

Məqalədə:
Xəbər lenti

Xəbər lenti