...

BNA: Ekspres xətt avtobuslarının fəaliyyəti davam etdiriləcək

Cəmiyyət Materials 11 Sentyabr 2020 13:34 (UTC +04:00)
BNA: Ekspres xətt avtobuslarının fəaliyyəti davam etdiriləcək

Bakı. Samir Əli - Trend:

Bakı metropolitenində sərnişindaşımaları bərpa olunsada, mövcud epidemioloji vəziyyət və çoxsaylı vətəndaş müraciətləri nəzərə alınaraq ekspres xətt avtobuslarının fəaliyyəti davam etdiriləcək.

Bakı Nəqliyyat Agentliyindən (BNA) Trend-ə verilən məlumata görə, ekspres xətlər üzrə avtobuslar əvvəlcədən müəyyən olunan qaydada sərnişinlərin xidmətində olacaq:

"Bu xətlər üzrə avtobusların sayı isə sərnişin tələbatına uyğun olaraq tənzimlənəcək.

Ekspres xətlərin sonrakı fəaliyyəti aparılan təhlillər və sərnişindaşımalara dair statistik məlumatlar əsasında müəyyən ediləcəkdir. Bu zaman vətəndaşlardan daxil olan müraciətlər də mütləq qaydada nəzər alınacaq.

Məlumat üçün bildiririk ki, 2020-ci il sentyabrın 30-dək şənbə və bazar günləri ictimai nəqliyyat fəaliyyət göstərmədiyinə görə sentyabrın 12-i saat 00:00-dan sentyabrın 14-ü saat 06:00-dək müntəzəm və ekspres xətlər üzrə sərnişindaşıma fəaliyyəti dayandırılacaq".

Məqalədə:
Xəbər lenti

Xəbər lenti