Bakı. Trend:
Müasir internet dünyasında “DDoS” hücumları məqsədyönlüdür və lazımi qaynaqlar təmin edilirsə, qəti və daimi müdafiə üsulu yoxdur.
Protokol zəifliklərindən istifadə edərək “DDoS” hücumları uğurlu olur. Xüsusilə hədəfə yönəlmiş “DDoS” hücumlarında ciddi maliyyə itkilərinin yaşandığını görürük. Uzunmüddətli “DDoS” hücumlarında şirkətlərin böyük maliyyə itkiləri ilə üzləşməsi adi bir vəziyyətə çevrilib.
Texniki baxımdan “DDoS” hücumlarından qorunma üsulları ilə yanaşı, baxış bucağını dəyişdirərək müxtəlif növ və keyfiyyətlərdə ola biləcək bu hücumlardan qorunma üsulları mövcuddur. Təəssüf ki, bütün “DDoS” hücumlarından qorunmaq üçün texniki üsul yoxdur. Bu, təcavüzkarlar üçün güclü bir hücum növüdür və ona qarşı çıxmaq qeyri-mümkün ola bilər.
Digər təhlükəsizlik araşdırmalarında olduğu kimi “DDoS” hücumlarından qorunmağın ən mühüm yolu laylı müdafiə mexanizmi yaratmaqdır.
Xarici təbəqə yanaşması: Yüksək həcmli hücumlar korporativ şəbəkəyə çatarsa, sistemləriniz çox uzun müddət yaşaya bilməyəcək. Bu hücumlar korporativ şəbəkəyə çatmazdan əvvəl onların təsirlərinin qarşısını almaq və ya azaltmaq üçün araşdırmalar aparılmalıdır. Bu nöqtədə internet xidmət təminatçıları və bu xidmət təminatçıları tərəfindən təmin edilən “DDoS” Qoruma Xidmətlərinə üstünlük verilə bilər. Bu cür qorunma üsulları xarici mühafizə yanaşması adlanır.
Daxili təbəqə yanaşması: Şəbəkə, protokol və tətbiq tipli “DDoS” hücumlarına qarşı ən vacib qorunma üsuludur. Ümumiyyətlə bilavasitə istifadəçiyə xidmət edən Web, e-mail, DNS kimi proqramlara qarşı “DDoS” hücumları bu xidmətləri işlək vəziyyətə gətirir.
İnsan və proses yanaşması: Dünyanın ən yaxşı “DDoS” qoruma cihazına və ya xidmətinə sahib olsanız belə, hələ də tam qoruna biləcəyinizi söyləmək olmaz. Bu nöqtədə, yaxşı bir kiber müdafiə üçün insan, proses və texnologiya elementlərini birlikdə və effektiv şəkildə istifadə edərək müdafiə edə bilərsiniz. Bu üsul sayəsində “DDoS” hücumu zamanı cavabın düzgün və effektiv şəkildə edilməsi təmin edilir və proses idarəçiliyi sayəsində hadisələr minimum zərərlə aradan qaldırılır.