Bakı. Trend:
Azərbaycanda böyrək transplantasiyası ilə bağlı minlərlə insan növbə gözləyir.
Trend-in məlumatına görə, bunu Milli Məclisin Səhiyyə komitəsinin sədri Əhliman Əmiraslanov komitənin bu gün keçirilən iclasında deyib.
O qeyd edib ki, bu sahədə problemlərdən biri kadr potensialının çatışmazlığıdır.
“Digər tərəfdən, donor yalnız yaxın qohum olmalıdır. Düzdür, əvvəlki illərlə müqayisədə böyrək transplantasiyası ilə bağlı müsbət dəyişikliklər var, bir neçə mərkəzdə bu əməliyyat həyata keçirilir. Ancaq yeni mərkəzlərin yaranmasına ehtiyac var", - o bildirib.