Bakı. Trend:
Gədəbəydə 1 ədəd “RQM-D” markalı əl qumbarası və 1 ədəd “DVM” markalı partladıcı aşkarlanıb.
Trend xəbər verir ki, bu barədə Penitensiar xidmətdən bildirilib.
Məlumata görə, Ədliyyə Nazirliyi Penitensiar xidmətin əməliyyat aparatının Daxili İşlər Nazirliyinin əməkdaşları ilə birgə keçirdiyi əməliyyat-axtarış tədbiri nəticəsində İmamquliyev Nurlan Kamil oğluna məxsus 1 ədəd “RQM-D” markalı əl qumbarası və 1 ədəd “DVM” markalı partladıcı Gədəbəy şəhəri, X.Haqverdiyev küçəsində köhnə tunelin içərisində aşkar edilərək götürülüb.
Faktla bağlı araşdırma aparılır.