Bakı. Trend:
"Azərbaycan Dəmir Yolları” (ADY) QSC sərnişindaşımada SİMA vasitəsilə ödənişlər ilə bağlı son test mərhələsindədir.
Trend xəbər verir ki, bu barədə bu gün "Azərbaycan Dəmir Yolları” (ADY) QSC-nin sədri Rövşən Rüstəmov Fəxri xiyabanı ziyarət edərkən jurnalistlərə məlumat verib.
"Dəmir yolu infrastrukturunda məsafəbaşına ödənişlər həyata keçirilir. Səfər edilən məsafəyə uyğun olaraq ödənişlər edilir. Sərnişindaşıma ilə bağlı yeniliklərdən biri ondan ibarətdir ki, SİMA vasitəsi ilə ödənişlər ilə bağlı biz son test mərhələsindəyik. Bu ödəniş üsulu artıq bir neçə dəmir yolu stansiyasında test mərhələsindədir. Bu o deməkdir ki, yaxın günlərdə testlər bitdikdən sonra sərnişinlər heç bir təmas olmadan platformalarda, turniketlərdə SİMA tanınma sistemindən istifadə edə biləcəklər", - deyə o vurğulayıb.