Azərbaycan və YUNESKO qarşılıqlı anlaşmaya dair memorandum imzalayıb. Trend in məlumatına görə, sənəd avqustun 24-də Gülüstan sarayında "YUNESKO-Azərbaycan: gələcəyə körpü" beynəlxalq konfransında imzalanıb.
Memorandumu təhsil naziri Misir Mərdanov və YUNESKO-nun baş direktoru Koiçiro Matsuura imzalayıblar.
Misir Mərdanovun sözlərinə görə, memorandumda təhsil sisteminin təkmilləşdirilməsi, xüsusilə, dünya standartlarının və yeni mexanizmlərin tətbiqi sahəsində tərəflərin əməkdaşlığı, YUNESKO tərəfindən maddi-texniki yardımın göstərilməsi nəzərdə tutulur.
Konfransda iştirak edən Azərbaycanın birinci xanımı, YUNESKO-nun xoş məramlı səfiri Mehriban Əliyeva konfrans və imzalanmış sənədin Azərbaycan və YUNESKO arasında körpü olacağına ümidvar olduğunu bildirib.
