8 ay ərzində Azərbaycanın Ekologiya və Təbii Sərvətlər Nazirliyinin "Qaynar xətti"nə 70-ə yaxın məlumat və şikayət daxil olub. Nazirlikdən Trend ə bildirildiyi kimi, daxil olan məlumatların 40-ı yaşıllıqların qırılması, digərləri isə ətraf mühitin qanunsuz olaraq kimyəvi tullantılarla çirkləndirilməsi ilə bağlıdır. Həmçinin, Xəzər dənizinin sahillərindən qumun daşınması ilə bağlı şikayətlər də var.
Avqustda "xəttə" Bakı və Abşeron yarımadasında ətraf mühitə vurulan ziyanla bağlı 20 müraciət daxil olub.
Nazirlikdə onu da bildiriblər ki, idarənin ətraf mühitə ziyanın vurulmasına qarşı mübarizədə əhalinin köməyinə ehtiyacı var və onlardan "Qaynar xətt"ə müraciət etməyi xahiş edir (438-13-35, 439-18-63).