...

Vəkillər Kollegiyasına qəbulla əlaqədar imtahanlarda iştirakçılar üçün heç bir məhdudiyyət qoyulmayıb

Cəmiyyət Materials 14 Dekabr 2006 15:19 (UTC +04:00)

Vəkillər Kollegyasına qəbulla əlaqədar imtahanlarda iştirakçılar üçün heç bir məhdudiyyət qoyulmayıb. Bu barədə Trend ə Azərbaycan Respublikası Vəkillər Kollegiyasının sədr müavini Fərhad Nəcəfov məlumat verib.

F.Nəcəfovun sözlərinə görə, vəkilliyə qəbulla əlaqədar yazılı imtahan yanvar ayının əvvəlinə planlaşdırılıb. İmtahanı Tələbə Qəbulu üzrə Dövlət Komissiyası həyata keçirəcək. "Vəkilliyə qəbulla əlaqədar sənədlərin qəbulu 7 aya yaxın davam etsə də, təəssüflə bildirməliyəm ki, imtahanda iştirak etmək üçün vur-tut 432 nəfər müraciət edib. Bu, çox aşağı göstəricir. Çünki regionlarda məhkəmələrin sayı artırılır, məhkəmələrin fəaliyyəti genişləndirilir, hakimlərin sayı artırılır, paralel olaraq vəkillərə də ehtiyac artır. Lakin nədənsə bu sahəyə meyl göstərənlər azalıb" - deyə sədr müavini qeyd edib.

Sədr müavinin sözlərinə görə, Kollegiyaya qəbulla əlaqədar imtahan iki mərhələdən ibarət olacaq. Yazılı imtahandan 50 bal toplayanlar kollegiyanın ixtisas komissiyası qarşısında ikinci - şifahi imtahan verəcəklər. Komissiyada 5 vəkil, 3 hakim və 3 alim təmsil olunacaq.

Qeyd edək ki, hazırda Vəkillər Kollegiyasının 541 üzvü var. Kollegiyaya ilk qəbul imtahanları 2005-ci ildə keçirilib.

Xəbər lenti

Xəbər lenti