Azərbaycan, Bakı /müx. Trend Z.Səfərov/ "Şirvan" həvəskar futbol klubu UEFA Regional kubokunun final mərhələsinə keçə bilməyib. Trend in məlumatına görə, Bakıda keçirilən seçmə turnirdə Əli Bayramlıdan olan komanda "Belqrad"a 0:2 hesabı ilə yenildikdən və "Tbilisi" ilə 1:1 hesabı ilə heç-heçə etdikdən sonra növbəti mərhələyə çıxmaq şanslarını minimuma endirib. Turnirin sonuncu günündə isə "Şirvan" İsveçrənin "Tiçino" klubuna 1:3 hesabı ilə məğlub olub və nəticədə qrupun sonuncusu olub.
Qrupun qalibi isə "Belqrad" komandası olub. Komanda Balkan təmsilçisi "Tiçino" ilə eyni xallar (7) yığsa da, əlavə göstəricilərə görə birinci yerə çıxıb.
Qeyd edək ki, UEFA Regional kuboku həvəskar komandalar arasında keçirilən yarışdır və UEFA Kubokunun həvəskarlar arasında analoqudur.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
