Azərbaycan, Bakı / Trend müxbir S.İlhamqızı/ Bakı Şəhər İcra Hakiməyyəti Azərbaycan jurnalistlərinin iyunun 12-də keçirməyi planlaşdırdığı mitinqlə bağlı müraciətə şənbə günü cavab verib. Bu barədə Bakı Şəhər İcra Hakimiyyətindən məlumat verilib.
Bakı Şəhər İcra Hakimiyyəti metronun "Həzi Aslanov" stansiyası yaxınlığından
yürüşlə başlayaraq "Ukranya" meydanında mitinq keçirilməsinə razılıq verib. Aksiya saat 17.00-dan 19.00-dək keçiriləcək.
Qeyd edək ki, Redaktorlar Birliyi, bir sıra müxalifətyönlü qəzetlər - "Yeni Müsavat", "Azadlıq", artıq nəşri dayandırılmış "Gündəlik Azərbaycan"-"Realnı Azerbaydjan", "Bakı xəbər" qəzetləri və digər müstəqil nəşrlər, həmçinin ayrı-ayrı ictimai, siyasi xadimlər jurnalistlərə təzyiqlərə, onların həbsinə, qəzetlərin məhkəməyə verilməsinə etiraz edirlər. Mitinqdə bir sıra siyasi partiyaların iştirakı nəzərdə tutulur.
Hazırda Azərbaycanda beşdən çox jurnalist həbsdədir, bəzi qəzetlərin bank hesabına həbs qoyulub, həmçinin yerləşdikləri ofislərdən çıxarılıb.