Azərbaycan, Bakı, 16 avqust / "TrendLife" , müxbir Eldar Hüseynzadə/ Tezliklə Bakıda Millətlər Kuboku üçün mübarizədə ən güclü oyunçular toplaşacaq. Onlardan biri də həmyerlimiz, "Büllur bayquş" sahibi Rövşən Əsgərov olacaq. Yeri gəlmişkən, o, həmçinin müsabiqənin təşkilatçılarından biridir. Onunla əlaqə yaradan "TrendLife" oyunu Moskva versiyası ilə müqayisə etmək olarmı sualı ilə Əsgərova müraciət etdi. O, isə cavabında bildirdi: "Müqayisə yaxşı iş deyil. Şəxsən oyunun Azərbaycan variantı mənim daha çox xoşuma gəlir. Çox sevindirici haldır ki, tamaşaçılarda oyuna maraq artıb. Müxtəlif sponsorlar tapılır, yeni oyunçular gəlir. Bir sözlə, hər şey çox yüksək səviyyədə gedir. Oyuna moskvadan olan rejissor Jarinov da qonaq gəlir. Mənə gəlincə, mən hər iki oyunda iştirak etmişəm. Keçən il Aleksey Blinovun komandasının üzvü idim. Demək olar ki, Azərbaycan formatında ilk oyunçu idi. Biz həmin oyunda 4:6 hesabı ilə məğlub olduq. Sonra isə oyunun qış mövsümündə, yəni Balaş Qasımovun apardığı oyunda iştirak etdim. Bir daha söyləyim ki, artıq verilişin səviyyəsi artıb".
...