...

Azərbaycanın daha üç boksçusu dünya birinciliyinin növbəti mərhələsinə çıxıb

İdman Materials 18 Aprel 2014 11:22 (UTC +04:00)
Bolqarıstanın paytaxtı Sofiyada keçirilən boks üzrə gənclər arasında dünya birinciliyinin növbəti günü Azərbaycan idmançıları üçün uğurlu olub.
Azərbaycanın daha üç boksçusu dünya birinciliyinin növbəti mərhələsinə çıxıb

Azərbaycan, Bakı, 18 aprel /Trend/

Bolqarıstanın paytaxtı Sofiyada keçirilən boks üzrə gənclər arasında dünya birinciliyinin növbəti günü Azərbaycan idmançıları üçün uğurlu olub.

Trend Azərbaycan Boks Federasiyasının mətbuat xidmətinə istinadən xəbər verir ki, 52 kq çəki dərəcəsində mübarizə aparan Məsud Yusifzadə yarışda ikinci qələbəsini qazanıb. Boksçumuz bu dəfə kanadalı Adrian Halfordu məğlub edib - 3:0. Həmyerlimiz 1/8 finalda Özbəkistan nümayəndəsi Abdulkay Şaraxmatovla qarşılaşacaq.

91 kq çəki dərəcəsində yarışan Şükran Mehdiyev isə dünya birinciliyində ilk döyüşünü keçirib. Milli komandamızın üzvü norveçli Yonas Soenstebini çətinliklə üstələyib - 2:1. Mehdiyev 1/8 finalda Türkiyə idmançısı Məhəmməd Aydınla üz-üzə gələcək.

Superağır çəki dərəcəsində mübarizə aparan Məhəmmədəli Tahirov da Sofiyada ilk qələbəsini qazanıb. Boksçumuz litvalı Dovidas Sernası mübarizədən kənarlaşdırıb - 3:0. Tahirov 1/8 finalda Türkiyə boksçusu Eren Uzunla görüşəcək.

Bu gün dünya birinciliyində daha iki boksçumuz rinqə çıxacaq. Günorta proqramında Şamil Əliyev (75 kq) erməni Gevorq Petrosyanla qarşılaşacaq. Axşam isə gənclər arasında Avropa çempionu Cavid Quliyev (64 kq) Qazaxıstan təmsilçisi Ayan Kalibekovla döyüşəcək.

Məqalədə:
Xəbər lenti

Xəbər lenti