Azərbaycan, Bakı, 31 may /Trend/
Bakıda keçirilən atletika üzrə yeniyetmələrin II Olimpiya Oyunlarına lisenziya xarakteri daşıyan Avropa Təsnifat Turnirinin ikinci günündə daha bir idmançımız finala vəsiqə qazanıb.
Trend-in məlumatına görə, şüvüllə tullanmada Azərbaycanı təmsil edən Yelena Qladkova 3.65 metr nəticə göstərməklə seçmə mərhələni 9-cu sırada başa vurub. Bu nəticə ilə idmançımız finala vəsiqə qazanan 12 atlet sırasına daxil olub.
Seçmə mərhələdə İsveçrə idmançısı Angelika Moser 1-ci sırada qərarlaşıb. Onun nəticəsi 3.80 metr olub.
Qeyd edək ki, final görüşləri sabah keçiriləcək. Medalla yanaşı, lisenziyaların sayı da finalda müəyyənləşəcək.
