Azərbaycan, Bakı, 3 iyul /Trend/
Bu gün Avropa Liqasında I təsnifat mərhələsinin növbəti oyunları keçirilib.
Trend-in məlumatına görə, təmsilçilərimizdən "Qəbələ" klubu ilk oyun çərçivəsində Bosniya və Hersoqovinanın "Şiroki Briyeq" klubu ilə qarşılaşıb.
Qəbələ şəhər stadionunda keçirilən oyun 0:2 hesabı ilə "Şiroki Briyeq" klubunun xeyrinə bitib. Qollar: Vaqner, 74 (0:1), 89 (0:2).
Qeyd edək ki, bu komandalar arasında cavab qarşılaşması bir həftə sonra Bosniya və Hersoqovinada keçiriləcək.