...

Valentin Demyanenko ilk cəhddə AÇ-nin finalında

İdman Materials 12 İyul 2014 17:27
Almaniyanın Brandenburq şəhərində keçirilən kayak və kanoe üzrə Avropa çempionatının ikinci yarış günü 200 metr məsafəyə yürüşlərlə başlanıb. Azərbaycan təmsilçilərindən Valentin Demyanenko və Mirnazim Cavadov start xəttinə çıxıblar.
Valentin Demyanenko ilk cəhddə AÇ-nin finalında

Trend-i buradan izləyin

Azərbaycan, Bakı, 12 iyul /Trend/

Almaniyanın Brandenburq şəhərində keçirilən kayak və kanoe üzrə Avropa çempionatının ikinci yarış günü 200 metr məsafəyə yürüşlərlə başlanıb. Azərbaycan təmsilçilərindən Valentin Demyanenko və Mirnazim Cavadov start xəttinə çıxıblar.

Trend Azərbaycan Milli Avarçəkmə Federasiyasına istinadən xəbər verir ki, 1 nəfərlik kanoe qayığında (C-1) yer alan Demyanenko elə ilk mərhələdəcə nəyə qadir olduğunu isbatlayıb. Zədəsini yenicə bərpa etmiş 4 qat dünya və 4 qat Avropa çempionumuz seçmə yürüşdə finişə 39,558 saniyəyə çataraq, birinci olub. Bununla da Demyanenko birbaşa əsas finala vəsiqə qazanıb. Həlledici yürüş iyulun 13-də Bakı vaxtı ilə saat 14:56-da olacaq.

1 nəfərlik kayak qayığı (K-1) ilə çıxış edən Cavadov isə seçmə yürüşdə 36,227 saniyə göstərici ilə 4-cü olub. Bu nəticə ilə təmsilçimiz iyulun 13-də keçiriləcək yarımfinal yürüşünə vəsiqə qazanıb. O, növbəti mərhələdə ilk "3-lüy"ə düşməyi bacarsa, elə sabah əsas finalda da iştirak hüququna yiyələnəcək.

Qeyd edək ki, Avropa çempionatının ilk günündə Azərbaycan millisinin üzvlərindən Sergey Bezuqlıy - Aleksey Kupin dueti 2 nəfərlik kanoe qayığı (C-2) ilə həm 1000 metr, həm də 500 metr, Nikolay Matviyçuk isə 1 nəfərlik kanoe qayığı (C-1) ilə 500 metr məsafəyə yürüşdə finala yüksəlib.

Məqalədə:
Xəbər lenti

Xəbər lenti