Azərbaycan, Bakı, 5 yanvar /Trend/
"Qarabağ"ın rəqibləri dəqiqləşib.
Trend klubun saytına istinadən məlumat verir ki, Premyer Liqanın qış fasiləsinə lider kimi yollanan "Qarabağ" hazırlıqlara hər zaman olduğu kimi Antalyada başlayacaq. Ağdam təmsilçisi yanvarın 10-da yığışacaq və təlim-məşq toplanışı üçün Türkiyəyə yollanacaq.
Fevralın 1-dək Antalyanın Belek bölgəsində məskunlaşacaq "Qarabağ" bu müddətdə 6 yoxlama oyunu keçirməyi planlaşdırır.
"Qarabağ"ın yoxlama oyunlarının proqramı belədir:
17 yanvar - Split (Xorvatiya)
21 yanvar - Sürix (İsveçrə)
24 yanvar - Levski (Bolqarıstan)
27 yanvar - Legiya (Polşa)
29 yanvar - Mordoviya (Rusiya)
31 yanvar - Tarqu Mureş (Ruminiya)