Bakı. Trend:
Braziliyanın Rio-de-Janeyro şəhərində Yay Olimpiya Oyunları davam edir.
Trend-in məlumatına görə, yarışların 13-cü günündə kanoeçimiz Valentin Demyanenko 1 nəfərlik qayıqla (C-1) 200 metr məsafəyə final yürüşünə qatılıb.
Təmsilçimiz finiş xəttinə 39.49 saniyəyə ikinci çataraq gümüş medal qazanıb. Bu, Azərbaycanın Rio-2016-da 4-cü gümüş medalı, kanoe üzrə isə ilk Olimpiya medalıdır.
