Bakı. Trend:
Bu gün Qarabağ və Qəbələ futbol klubları UEFA Avropa Liqasının qrup mərhələsində növbəti görüşlərini keçirəcəklər.
Trend-in məlumatına görə, Qarabağ klubunun rəqibi J qrupunun favoriti sayılan İtaliyanın Fiorentina klubu olacaq. Qarabağ bu oyunu səfərdə keçirəcək.
Qarabağ qrup mərhələsinin ilk oyununu Çexiyanın Slovan Libereç klubuna qarşı Bakıda keçirmişdi. Həmin oyun 2-2 hesabı ilə yekunlaşmışdı.
Qəbələ klubu isə Bakıda Almaniyanın Mayns klubunu qəbul edəcək. Qəbələ qrup mərhələsinin ilk oyunda Belçika səfərinə yollanmışdı. Belçika səfərində Anderlextlə görüşdə Qəbələ 3-1 hesabı ilə məğlub olmuşdu.