Bakı. Elçin Mehdiyev – Trend:
Azərbaycanın yunan-Roma güləşçisi Rəsul Çunayev (71 kq) IV İslam Həmrəyliyi Oyunlarında bürünc medal uğrunda xalça üzərinə çıxıb.
Trend-in məlumatına görə, bu dəfə güləşçimizin rəqibi Türkiyə təmsilçisi İlker Sönmez olub.
İdmançımız rəqibini 4:1 hesabı ilə məğlub edərək bürünc medala sahib olub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.