Bakı. Trend:
"Barselona" futbol klubunun Argentinalı hücumçusu Lionel Messi Kataloniya klubunda oynadığı oyun sayına görə yeni rekorda imza atdı.
Trend-in məlumatına görə, L.Messi İspaniya Çempionatının 28-ci turunu çərçivəsində "Real Sosyedad" ilə səfər matçında "Barselona"nın start heyətinə oyuna daxil olub.
Beləliklə, 33 yaşlı futbolçu 768-ci oyuna çıxıb. Əvvəlki rekord "Barselona" nın keçmiş yarımmüdafiəçisi Xaviyə məxsus olub (767 oyun).