Bakı. Trend:
İsveçrə və İngiltərə milli komandaları 2022-ci il futbol üzrə dünya çempionatının seçmə mərhələsində öz qruplarında birinci yeri tutaraq final mərhələsinə vəsiqə qazanıblar.
Trend-in məlumatına görə, seçmə mərhələnin son turunda İsveçrə milli komandası öz meydanında 4:0 hesabı ilə Bolqarıstan komandasını, İngiltərə yığması isə səfərdə 10:0 hesabı ilə San-Marino komandasını məğlub edib.
Qeyd edək ki, 2022-ci ilin 21 noyabr - 18 dekabr tarixlərində Qətərdə keçiriləcək dünya çempionatının final mərhələsinə artıq Belçika, Braziliya, Almaniya, Danimarka, İspaniya, Serbiya, Fransa, Xorvatiya yığmaları vəsiqə qazanıblar.