Bakı. Trend:
V İslam Həmrəyliyi Oyunlarında iştirak edən Azərbaycan idmançıları vətənə qayıdıblar.
Trend-in məlumatına görə, Heydər Əliyev Beynəlxalq Aeroportunda idmançıları idman ictimaiyyəti, media nümayəndələri və digər şəxslər qarşılayıb.
Qeyd edək ki, Azərbaycan Oyunlarda 54 iştirakçı ölkə arasında dördüncü yeri tutaraq 99 medal qazanıb: 29 qızıl, 36 gümüş və 34 bürünc.
İslamiadada iştirak edən idman heyətinin tərkibinə görə Azərbaycan Türkiyə nümayəndə heyətindən sonra ikinci yerdə qərarlaşıb - 282 idmançı. Oyunlarda ümumilikdə 4200 idmançı iştirak edib.
