Bakı. Trend:
Kriştiano Ronaldonun çıxış etdiyi "Əl-Nəsr" baş məşqçisi Luiş Kaştra ilə yollarını ayırıb.
Trend İdman.biz-ə istinadən xəbər verir ki, bu barədə Səudiyyə Ərəbistanı klubu məlumat yayıb.
63 yaşlı mütəxəssis ötən mövsümün iyulundan komandaya başçılıq edib. "Əl-Nəsr" Kaştranın rəhbərliyi ilə meydana çıxdığı 54 oyunun 36-da qələbə qazanıb, 9 dəfə heç-heçə oynayıb, 9 dəfə uduzub.
Qeyd edək ki, "Əl-Nəsr" Səudiyyə Ərəbistanı Pro-Liqasında 3 turdan sonra 5 xalla 7-ci pillədə qərarlaşıb.