Bakı. Trend:
"Paris Sen-Jermen" rəhbərliyi bu yay "Real Madrid"ə keçən Kilian Mbappenin boşluğunu doldurmaq üçün yeni lider axtarışındadır.
Trend xəbər verir ki, "El Nacional"ın məlumatına görə, PSJ prezidenti Naser Əl-Xəlaifi "Liverpul"un ulduzu Məhəmməd Salahı transfer etməyi planlaşdırır.
Paris klubu, hazırda 2025-ci ilin iyununa qədər müqaviləsi olan misirli futbolçuya ildə təxminən 40 milyon avro ödəməyi təklif etməyə hazırdır. Bonuslarla birlikdə bu məbləğ Salahı Avropanın ən çox qazanan futbolçularından birinə çevirə bilər.
Məlumata görə, PSJ yanvar ayında Salahın transferi ilə bağlı "Liverpul" ilə danışıqlara başlamağı planlaşdırır.
Qeyd edək ki, Salah bu mövsüm İngiltərə Premyer Liqasında 12 oyunda 10 qol vurub və 6 məhsuldar ötürmə edib.