Bakı. Trend:
Bundesliqanın 13-cü turunun açılış matçında "Frayburq" öz meydanında "Volfsburq"u 3:2 hesabı ilə məğlub edib.
Trend xəbər verir ki, "Frayburq" heyətində qolları Lukas Kübler (42 və 51-ci dəqiqələrdə) və Mixail Qreqoritç (61-ci dəqiqədə) vurub. "Volfsburq"dan isə Yonas Older Vind (75-ci dəqiqə) və Mattias Svanberq (83-cü dəqiqə) fərqlənib.
Bu nəticə ilə "Frayburq" 5-ci, "Volfsburq" isə 6-cı pillədə qərarlaşıb, lakin digər oyunların nəticələrindən asılı olaraq mövqelər dəyişə bilər.