Bakı. Trend:
Portuqaliyalı hücumçu Kriştiano Ronaldo futbol üzrə Səudiyyə Ərəbistanı çempionatının 22-ci turunda "Əl-Fateh"lə səfər oyununda "Əl-Nəsr"in start heyətində yer alıb.
Trend-in məlumatına görə, bu barədə "Əl-Nəsr"in mətbuat xidməti bildirib.
Qarşıdakı oyun K.Ronaldonun 30 yanvarda "Əl-Nəsr" komandasının "Əl-Xulud"u səfərdə 3-0 hesabı ilə məğlub etməsindən bəri ilk oyunu olacaq. Portuqaliyalı futbolçu həmin matçda qələbə qolunu vurub. Bundan sonra K.Ronaldo iki milli çempionat matçını və Asiya Çempionlar Liqası oyununu buraxıb.
"A Bola" qəzeti bildirib ki, oyunçu Səudiyyə Ərəbistanı Dövlət İnvestisiya Fondunun (PIF) klubu idarə etmə tərzindən, xüsusən də eyni təşkilat tərəfindən idarə olunan rəqiblərlə müqayisədə narazı qaldığı üçün komanda oyunlarını boykot edib.