Bakı. Trend:
İtaliya A Seriyasının 25-ci turu çərçivəsində “İnter” – “Yuventus” oyunu keçirilib.
Trend-in məlumatına görə, Milan şəhərindəki "San Siro" stadionunda reallaşan qarşılaşma meydan sahiblərinin 3:2 hesablı qələbəsi ilə yekunlaşıb.
Turin təmsilçisinin müdafiəçisi Andrea Kambiaso qarşılaşmanın 17-ci dəqiqəsində topu öz qapısından keçirib. Lakin o, 26-cı dəqiqədə fərqlənərək hesabı bərabərləşdirib. Oyunun 76-cı dəqiqəsində Françesko Espozito “İnter”i hesabda önə çıxarıb. Qonaqların yarımmüdafiəçisi Manuel Lokatelli 83-cü dəqiqədə tarazlığı bərpa edib. Matçın 90-cı dəqiqəsində isə Pyotr Zelinski həlledici qolu vuraraq "İnter"ə qələbə qazandırıb.