Bakı. Trend:
Almaniyanın Nürnberq şəhərində keçirilən parataekvondo üzrə "Prezident Kuboku"nda Sabir Zeynalov (58 kiloqram) növbəti uğura imza atıb.
Trend-in məlumatına görə, 20 yaşlı paralimpiyaçı yarımfinalda türkiyəli Hamza Tarhanın, finalda isə rusiyalı Asxat Akmatovun üzərində qələbə qazanaraq qızıl medala sahib olub.
Qeyd edək ki, paralimpiyaçı cəmi 3 gün əvvəl Roma şəhərində təşkil olunan Roma Qran-prisində də qızıl medal qazanmışdı.
