...

“Azerspace-2” peyki kommersiya fəaliyyətinə başlayıb (FOTO)

İqtisadiyyat Materials 1 Fevral 2019 16:02 (UTC +04:00)
“Azerspace-2” kommersiya fəaliyyətinə başlamaqla “Azərkosmos”un yüksək rəqabətli peyk xidmətləri bazarındakı xidmət çeşidini artıracaq və mövqeyini daha da gücləndirəcək.
“Azerspace-2” peyki kommersiya fəaliyyətinə başlayıb (FOTO)

Bakı. Trend:

“Azerspace-2” peyki bu gündən etibarən kommersiya fəaliyyətinə başlayıb.

“Azərkosmos”dan Trend-ə verilən məlumata görə, 26 sentyabr 2018-ci il tarixində Kuru kosmodromundan uğurla orbitə buraxılan “Azerspace-2” peyki Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələrini əhatə edir. Peyk əhatə zonasına daxil olan ölkələrdə dövlət və özəl sektora yüksək keyfiyyətli telekommunikasiya xidmətləri göstərəcək.

“Azerspace-2” kommersiya fəaliyyətinə başlamaqla “Azərkosmos”un yüksək rəqabətli peyk xidmətləri bazarındakı xidmət çeşidini artıracaq və mövqeyini daha da gücləndirəcək.

Hazırda peykin tutumlarının satışı ilə əlaqədar əhatə zonasına daxil olan ölkələrdə potensial müştərilərlə aktiv biznes danışıqları aparılır. “Azərkosmos” ASC ilə ABŞ, Pakistan və peykin əhatə zonasına daxil olan ölkələrin bir sıra şirkətləri arasında peykin xidmətlərindən istifadəyə dair ilkin razılaşma sazişləri imzalanıb.

İlk kommersiya fəaliyyətinə başladığı il olmasına baxmayaraq “Azerspace-2” peykinin 2019-cu il ərzində tutumlarının istifadəsindən 16,5 milyon ABŞ dolları gəlir əldə ediləcəyi proqnozlaşdırılır.

“Azerspace-2” peyki “Space Systems/Loral” (SSL) şirkəti tərəfindən yüksək etibarlı “SSL 1300” peyk platforması əsasında istehsal olunub. Müasir elekrik mühərrikləri ilə təchiz olunmuş “Azerspace-2” peykinin orbitdə yanacaq ömrü minimum 20 il təşkil edəcək.

Məqalədə:
Xəbər lenti

Xəbər lenti