Bakı. Trend:
Qlobal pandemiya fonunda koronavirusa qarşı ən həssas valyuta avro hesab olunub.
Trend-in məlumatına görə, mütəxəssislərin fikrincə, buna həm də Avropa ölkələrinin ümumi təhdid qarşısında birlik nümayiş etdirə bilməməsi də səbəb olub.
Bu ilin əvvəlindən etibarən avro dollara nisbətdə 3,5 faiz ucuzlaşıb. Ekspertlər avronun dəyərinin azalmaqda davam edəcəyini bildirib.
Qeyd olunur ki, pandemiya dövründə Avropa İttifaqı ölkələri hələ də iqtisadiyyatın dəstəklənməsi üçün vahid fiskal siyasət formalaşdıra bilmir.