...

Belarusun Baş naziri Gəncə avtomobil zavodunda olub, ikitərəfli əməkdaşlıq memorandumu imzalanıb (FOTO)

İqtisadiyyat Materials 19 May 2022 16:18
Belarusun Baş naziri Gəncə avtomobil zavodunda olub, ikitərəfli əməkdaşlıq memorandumu imzalanıb (FOTO)

Trend-i buradan izləyin

Bakı. Trend:

Gəncə şəhərində rəsmi səfərdə olan Belarus Respublikasının Baş naziri Roman Qolovçenko Gəncə avtomobil zavodu İstehsalat Birliyində olub.

Gəncə Avtomobil Zavodu İB-nın mətbuat xidmətinin məlumatına görə, qonaqları qarşılayan Birliyin Müşahidə Şurasının Sədri Xanlar Fətiyev müəssisənin fəaliyyəti barədə baş nazirə və digər belaruslu nümayəndə heyətinə məlumat verib. Qeyd olunub ki 2006-ci ildə ölkə başçısı cənab İlham Əliyevin Belarus respublikasına rəsmi səfəri zamanı bağlanmış ikitərəfli müqavilə əsasında Gəncə avtomobil zavodunda yeni yığım xəttləri quraşdırılıb, müəssisəmizdə müxtəlif markalı traktor və MAZ avtomobillərinin istehsalına başlanılıb. Bu günə qədər müəssisədə 12200-ə yaxın 8 modeldə traktor, 8 modeldə müxtəlif modifikasiyalarda 3000-ə yaxın MAZ avtomobilləri istehsal edilərək təyinatı üzrə istifadəyə verilib. Bu avtomobillərin yığımının 30-40 % -ni yerli istehsal təşkil edir.

Qonaqların diqqətinə o da çatdırılıb ki, müəssisə 2006-ci ildən başlayaraq Belarusun “Moqilyovtransmaş”, “Minsk təkərli dartıcılar” zavodu, “Bobruysk” ehtiyat hissələri və avadanlıqlar istehsalı zavodu, “Qomselmaş”, “Belkommunaş” açıq tipli səhmdar cəmiyyətləri ilə sıx əməkdaşlıq edir. Zavodumuzda Belarus şirkətləri ilə birgə əməkdaşlıq çərçivəsində müxtəlif model yük avtomobilləri və traktorlar, taxılyığan kombaynlar, avtokranlar, ağır yük daşıyan dartıcılar, maye qazla işləyən avtobuslar, müasir elektrobusların yığımını həyata keçirılır.

Müəssisə ilə yaxından tanışlıqdan sonra Belarus Respublikasının Baş naziri Roman Qolovçenkonun iştirakı ilə Gəncə avtomobil zavodu İB-i və Belarus müəssisələri arasında əməkdaşlıq memorandumu və müqavilə imzalanıb. İlkin olaraq traktorların komplekləşdiricilərinin alınması məqsədilə Gəncə Avtomobil Zavodu İB nin direktoru Bağban Nəbiyev və Minsk Traktor Zavodunun dirüktoru V.Vovk imzalayıb. Sonra Belarusun Qomselmaş şirkətinin dirüktor müavini D. Afanasyev və Gəncə Avtomobil Zavodu İB nın direktoru Bağban Nəbiyev iki müəssisə arasında niyyət memarandumunu imzalayıblar.

Məqalədə:
Xəbər lenti

Xəbər lenti