Bakı. Trend:
Azərbaycan xarici investisiyalar sahəsində "açıq qapı" siyasəti keçirir.
Trend-in məlumatına görə, bunu iqtisadiyyat nazirinin müavini Sahib Məmmədov deyib.
"Azərbaycanda xarici investorlar yerli sahibkarlar kimi eyni hüquqlara malikdir. Ölkəmizdə yaradılan sənaye zonaları gömrük və vergi güzəştləri baxımından üstünlüklər verir. Onlar həm də Bakı Dəniz Limanının bilavasitə yaxınlığında yerləşir", - nazir müavini qeyd edib.
Onun sözlərinə görə, Ələt azad iqtisadi zonası da ölkəyə xarici investisiyaların cəlb olunmasında böyük rol oynayır.
"Xarici investisiyaların cəlb olunması Azərbaycan siyasətinin prioritet istiqamətlərindən biridir", - deyə o bildirib.