Bakı. Trend:
26 aprel 2023-cü ildən "Belavia" aviaşirkəti Bakıya reyslərin tezliyini artırmağı planlaşdırır.
Bu barədə çərşənbə axşamı Trend-ə aviaşirkətin mətbuat xidmətinin əməkdaşı Yuliya Spiçukova deyib.
Onun sözlərinə görə, Minsk-Bakı-Minsk marşrutu üzrə reyslərin sayı həftədə altı dəfəyədək artırılacaq.
"Bu marşrut üzrə birtərəfli uçuş 3 saat 30 dəqiqə təşkil edir. Uçuşlar müxtəlif tipli komfortlu avialaynerlərdə həyata keçiriləcək. Hazırda bu marşrut üzrə reyslərin sayı həftədə dörd dəfə təşkil edir", - o deyib.
Qeyd edək ki, hazırda Minsk-Bakı-Minsk marşrutu üzrə uçuşlar bazar ertəsi, çərşənbə, cümə və bazar günləri həyata keçirilir.