Bakı. Trend:
Birləşmiş Ərəb Əmirlikləri (BƏƏ) daxili bazarda lazımi səviyyədə təchizatı təmin etmək üçün cümə günündən etibarən düyü ixracına və təkrar ixracına müvəqqəti qadağa qoyur.
Trend-in məlumatına görə, bununla bağlı ölkənin iqtisadiyyat naziri Abdalla ben Tuk əl-Mari fərman imzalayıb.
Sənədə əsasən, məhdudiyyət dörd ay müddətinə tətbiq edilib. Eyni zamanda nazirlikdən bildirilib ki, fərman “ləğv edilməsi ilə bağlı qərar olmadıqda avtomatik olaraq uzadıla bilər”.