Bakı. Trend:
Ötən il Azərbaycanda dəniz nəqliyyatı ilə daşınmış yüklərin həcmi 8,621 milyon ton olub.
Trend-in Dövlət Statistika Komitəsindən əldə etdiyi məlumata görə, bu göstərici əvvəlki illə müqayisədə 389 min ton və ya 4,3% az, son 10 ilin göstəriciləri ilə müqayisədə isə 1,995 milyon ton, yaxud da 30,1% çoxdur.
Belə ki, Azərbaycanda dəniz nəqliyyatı ilə daşınmış yüklərin həcmi 2023-cü ildə 9,01 milyon ton, 2015-ci ildə isə 6,626 milyon ton olub.
2015-2024-cü illərdə Azərbaycanda dəniz nəqliyyatı ilə daşınmış yüklərin ümumi həcmi 71 milyon 582 min ton təşkil edib.
Son 10 ildə Azərbaycanda dəniz nəqliyyatı ilə daşınmış yüklərin həcmi aşağıdakı cədvəldə göstərilib:
| İllər | Daşınmış yüklərin həcmi |
| 2024 | 8 621 min ton |
| 2023 | 9 010 min ton |
| 2022 | 7 519 min ton |
| 2021 | 5 468 min ton |
| 2020 | 5 982 min ton |
| 2019 | 5 969 min ton |
| 2018 | 8 236 min ton |
| 2017 | 8 344 min ton |
| 2016 | 5 807 min ton |
| 2015 | 6 626 min ton |
| Cəmi | 71 582 min ton |
Qeyd edək ki, bu ilin yanvar ayında Azərbaycanda dəniz nəqliyyatı ilə 2025-ci ilin yanvar ayında daşınmış yüklərin həcmi 824,1 min ton təşkil edib. Bu nəqliyyat növü ilə daşınmış yüklərin həcmi əvvəlki ilin yanvar ayına nisbətən 31,2% artıb.